في يوم ذات الايام....والناس كلها نيام....قعدنا كلنا واتجمعنا....قعدنا نحكي عن الحب والغرام....وقد اية المواضيع دي عبارة عن اوهام...ومش عارفين ان عم سليمان بيسمعنا...عم سليمان دة راجل سليم...وعمرة مكان لئيم...ومعروف عنة انة حكيم...وميشوفناش بنعمل غلط الا لازم يمنعنا.....فقال اية الكلام اللي انتوا بتقولوة...الحب دة لازم تفهموة...ومتتكلموش علية من غير ما تعرفوة...ومتقولوش كلام يوجعنا...قولنا جري اية ياعم سليمان....انت في مكان غير المكان...وشكلك كدة بتتكلم عن ايام زمان...ايام الطيبة والامان....قال اخ منكم يا شباب اليومين دول...دماغتكم باظت من الفول...الواحد فيكم مقضيها حركات...وعمال يربيلي في عضلات...وبضيعوا كل الاوقات...وجايين تقولوا ان زمن الحب فات...والله الحب عمره ما مات...عمالين تعدوا في البنات زي الفلوس..وناسين انهم نفوس...ونفسكم انهم يبقوا مطاطين الرؤوس...ولا رأيك اية يا ابن امين...ان البنات هما اللي تا يهين....وفاكرين نفسهم عايشين...وهيفضلوا كدة علي طول مش فاهمين...الواحدة فيهم تلاقيها مقضياها...وفكرة انها كدة عايشها...تلاقيها بتحب التغيير...وبتحلم تتجوز امير...ومن صاحبتها بتغيير...ان شافتها عايشة حكاية حب حقيقية...تقولها دي حاجة مش طبيعية...لحد ما تخليها تسيبوه...تروح واخداه من ايدوه...تقولوة انسي اللي راح...خليك معايا وارتاح...وتعيش معاه يومين...وبعد كدة يقولها انتي فين...ادي الحب في نظركم...علشان كدة لازم تاخدوا بالكم...وسيبوكم بقي من افكاركم...لازم بقي تبقوا حاسين...ومتعملوش فيها ناصحين...وعلشان تبقوا عارفين ...ان البنات مش لوحدهم غلطانين...انتم كمان عن معني الحب تايهين...وبكدة الحب هيصبح الم...وهتعيشوا علي طول في ندم...دي المسألة ولازم تعرفوها...علشان تقدروا تحلوها...ويارب تكونوا فهمتوها...وفي الاخر بصينا لبعضنا...وقلنا الراجل دة مش مننا...تعالوا نمشي كلنا...وسيبوة بيعد عننا...عمال يبرطم في الكلام...وعايشها كدة اوهام...يا عم كفاية حرام...مش فاهم ان الدنيا اتغيرت...والشباب كلها اتفرغت...وان حالة الجنون قربت...خليك يا عم سليمان...عايش في ايام زمان...ايام الحب والحنان
الثلاثاء أغسطس 28, 2007 11:49 pm